Gjykata Kushtetuese e Maqedonisë së Veriut goditi sot marrëveshjen e Ohrit duke shfuqizuar balancimin në punësim sipas përqindjes së popullsisë mes maqedonasve dhe shqiptarëve.
Deputeti i BDI-së Arbër Ademi ndërsa komentoi vendimin tha se “kjo është ditë e zezë për shqiptarët dhe se vendi po kthehet në vitet e 90-ta”.
“Dënojmë vendimin Gjykatës Kushtetuese për të deklaruar përkatësinë etnike në institucionet publike. Ky vendim përbën sulm të drejtpërdrejt ndaj vlerave themelore të të drejtave të njeriut. Deklarimi i përkatësisë etnike përbën element themelor dhe ky vendim do të ketë pasoja në shkeljen e tyre. Pa “balancuesin” komunitetet do të mbeten të padukshme në institucionet tona”.
“Ky vendim është goditje e Marrëveshje e Ohrit dhe Kushtetutës së vendit tonë. Sot jemi në krizë të bashkëjetesës dhe të drejtës për mundësi të barabartë”, tha Ademi. a.b
