Kreu i Grupit Parlamentar të PD-së Gazment Bardhi është detyruar sot rikonformojë sërish qëndrimin e tij në lidhke me kryeministrin që vjen nga PD nëse kjo parti fiton zgjedhjet.
“Unë mbështes çdo kandidat për kryeministër të Partisë Demokratike, që e voton anëtarësia. Zgjedhjet nuk fitohen nga individi, por nga partia”, tha Bardhi në një intervistë për news24.
Në vijim Bardhi tha se PD nuk do të bojkotojë më kurrë zgjedhjet.
“Kjo është partia që më ka dhënë titullin Sekretar të Partisë Demokratike. A e mbështes Sali Berishën? Unë mbështes çdo kandidat për kryeministër të Partisë Demokratike, që e voton anëtarësia. Zgjedhjet nuk fitohen nga individi, por nga partia”, tha kreu i deputetëve të PD.
Përgjigja e Bardhit merr rëndësi pasi të hënën u kritikua nga analistë të syri tv në “Task Force” të Sonila Meços, në lidhje me faktin se gjatë fjalimit të fillimit të sesonit të ri parlamentar ai nuk përmendi arrestimin e Berishës dhe kërkesën për lirimin e tij. m.k
