Një operacion i vështirë është aplikuar në spitalin ‘Shefqet Ndroqi’ në Tiranë, duke shënuar një sukses për profesionistët e vendit.
“Një tjetër hap përpara për mjekësinë shqiptare!”, e ka konsideruar edhe ministrja e Shëndetësisë, Albana Koçiu.
Kirurgët e spitalit realizuan kirurgjinë minimale invazive koronare MIDCAB, duke ndihmuar tre pacientë të rikthejnë shëndetin e tyre.
Kjo procedurë inovative kryhet vetëm në 30% të qendrave kardiokirurgjikale në mbarë botën.
Ekipi i mjekëve dhe infermierëve që e bënë të mundur këtë sukses janë: Dr. Shk. Albi Fagu, Dr. Ketion Menkshi, Dr. Marjeta Bilaj, Dr. Anri Gongo, Dr. Eliana Shima, Ervisa Kurti, Mariola Ozuni, Inis Disha, Marinela Agolli, dhe Samet Mulaj.
“Me përkushtimin dhe profesionalizmin e tyre, ata kanë ngritur standardet e kujdesit shëndetësor në vendin tonë, duke na bërë krenarë që Shqipëria tashmë renditet mes vendeve që ofrojnë këtë procedurë të avancuar kirurgjikale”, thotë ministrja Koçiu. a.b
