Kryeministri Edi Rama ka reaguar pas deklaratës së presidentit ukrainas Volodymyr Zelensky në Beograd, se Ukraina nuk e ka ndryshuar qëndrimin e saj dhe nuk do ta njohë Kosovën po aq edhe ndaj atyre që reaguan ndaj Zelenskit pas dekleratës së tij në Beograd.
Rama ka kritikuar reagimet e disa nacionalistëve në Tiranë dhe Prishtinë, të cilët, sipas tij, kërkuan që Ukraina të ndëshkohet për qëndrimin e saj ndaj Kosovës. Ai tha se disa prej tyre shkuan deri aty sa të brohorisnin për Rusinë.
Sipas Ramës, mbështetja ndaj Ukrainës nuk mund të shihet si një marrëdhënie shkëmbimi apo si një faturë që mund të anulohet kur një vend merr një qëndrim që nuk përputhet me interesat e Shqipërisë apo Kosovës.
“Çfarë turpi të humbasësh nga sytë të vërtetën e thjeshtë se liria nuk është një marrëdhënie shkëmbimi”, shkroi Rama.
Kryeministri theksoi se qëndrimi kundër agresionit dhe në mbështetje të një paqeje të drejtë nuk duhet të kushtëzohet nga përfitimet politike.
“Ukraina mund të jetë, dhe po, është, gabim për Kosovën, por e drejta e saj për të qenë e lirë mbetet e padiskutueshme”, deklaroi Rama duke lundruar nga hamendja ‘edhe mund’ tek fakti ‘po e ka gabim’. Pse duhej që Rama në këtë deklaratë të shëtiste në këtë segment mes hamendjes e faktit, pa qenë e nevojshme të përafrohej me deklaratën e Zelenskit po aq sa të vebdosej përballë tij.
Ai shtoi se Shqipëria mund të mbështesë njëkohësisht Kosovën dhe Ukrainën, duke nënvizuar se këto dy qëndrime nuk përjashtojnë njëri-tjetrin.
“Prandaj, po: UKRAINË E LIRË. Sot, nesër dhe gjithmonë”, përfundoi Rama. a.b
