Një shpërthim është dëgjuar rreth orës 1 të mesnatës në Tiranë duke trembur shumë banorë.
Shpërrhimi kishte ndodhur në një kantier në ndërtim në rrugën “Reshit Çollaku”.
”Më datë 01.08.2024, rreth orës 01:15, në rrugën “Reshit Çollaku”, në një kantier në ndërtim, është dëgjuar një shpërthim, i ngjashëm me lëndët plasëse ose lëndët piroteknike. Si pasojë nuk ka dëme materiale dhe as të lënduar”, njoftoi policia e Tiranës.
Grupi hetimor po vazhdon punën për sqarimin e mëtejshëm të rrethanave të ngjarjes. a.b
