Ëshzë kapur në Korfuz, Gerald Shehu vetëm pak orë pasi u shpall në kërkim. Ai dyshohet se ka kryer një krim të rëndë në Dhërmi.
Ngjarja ka ndodhur ne një hotel, pronari i të cilit është krushku i Shehut, 43 vjeç nga Memaliaj. Ai dyshohet ta ketë qëlluar me armë recepsionistin e hotelit Eraldo Novruzi, 31 vjeç nga Tirana.
Fillimisht Shehu e ka rrahur Novruzin dhe pastaj e ka qelluar. Dyshohet se Novruzi ka martë plagë vdekjeprurëse ndërsa Shehu e ka zhvendosur trupin e tij diku tjetër.
Policia e Himarës ka marrë sot njoftim se në Dhërmi, Himarë, shtetasi Eraldo Novruzi, 31 vjeç, banues në Tiranë, punonjës në recepsionin e një hoteli në Dhërmi, Himarë, kishte humbur kontaktet me pronarët e hotelit.
Dyshohet se ai është qëlluar me armë dhe më pas buk është parë më, ndërsa policia e ka identifikuar autorin.
“Shërbimet e Policisë dhe grupi hetimor kanë shkuar në hotel dhe kanë kryer një sërë veprimesh hetimore. Nga veprimet hetimore dyshohet se shtetasi E. N. është qëlluar me armë zjarri, rreth orës 00:30, nga shtetasi Gerald Shehu, 43 vjeç, lindur në Tepelenë dhe banues në Angli.
Nga veprimet e tjera hetimore rezulton se pas ngjarjes shtetasi Gerald Shehu është larguar drejt Greqisë.
Janë administruar në cilësinë e provës materiale, prova ligjore, si dhe janë shoqëruar deri në këto momente, për t’u pyetur në lidhje me këtë ngjarje, 29 shtetas.
Nga tërësia e veprimeve të deritanishme dyshohet se kemi të bëjmë me një ngjarje të rëndë kriminale”, njofton policia e Himarës.
Grupi hetimor, në drejtimin e Prokurorisë, vijon punën intensivisht për gjetjen e shtetasit E. Novruzit, si dhe për zbardhjen e rrethanave dhe dokumentimin e plotë ligjor të rastit. a.b
