Zv/kryeministrja Belinda Balluku u shfaq në një foto nga konferenca e Turizmit në Tiranë ku pas saj ishte një foto ku mungonte Kosova dhe aty ku duhej të ishte shkruhej Serbi.
Foto solli reagime të shumta në rrjete sociale të cilat e kanë detyruar edhe kryeministrin të japë sqarime.
“Kinse patriotët kanë gjetur punë sot duke u marrë me një hartë të prezantimit të presidentit të gjigandit spanjoll Melia Group në konventën e turizmit, ku mungonte Kosova!Dihet që Spanja ashtu e ka hartën e rajonit po asgjë e keqe s’i erdhi kombit nga dalja 1 minutë e asaj harte!
Shqipëria s’është Irani ku të ftuarve në konferenca ndërkombëtare u kontrollohen prezantimet dhe as konventa s’ishte sheshbeteja diplomatike për njohjen e Kosovës nga Spanja! E keqja kombit tonë i vjen bash nga ata që merren tërë ditën me kësi luftrash pa lidhje mes shqiptarësh”, shkruan Rama. a.b
