Deputetja e PL, Monika Kryemadhi deklaroi sonte se nuk kishte asnjë këmbim marrje dhe dhënie prash me parajsat fiskale sic është publikuar nga tv top channel.
Ajo ishte e ftuar në Task Force të Sonila Meços në syri tv ndërsa shpjegoi se kishte përgaditur një padi ndaj shpfjeve sipas saj dhe se ajo kishte vetëm një llogari bankare në Credins në Tiranë.
Kryemadhi bëri deklaratën vetëm pak orë pasi kryeministri Rama kërkoi nga SPAK të nisnin hetimet ndaj saj.
“E vërteta e hidhur është që këto rubla paskan qenë shejtan i madh. Na kanë marrë shokë, na kanë marr shoqe në qafë. Kjo drejtësia e re do t’i japë përgjigje kësaj se kjo është një çështje e një urgjence të madhe kombëtare dhe ndërkombëtare. Ne jemi vend i NATO-s dhe kjo përzierje me konto, e me “offshore”, e me lidhje kanalesh që çojnë para në drejtim të partive që këtu duan të sjellin lirinë, është problem shumë i madh të cilin drejtësia e re duhet ta adresojë më urgjencë”, tha Rama.
Pa përmendur emra Rama i sjell në vëmendje SPAK-ut urgjencën me të cilën u arrestua ish-zv/ministrja e Brendshme, Rovena Voda, për marrjen e një arke me peshk në këmbim të një premtimi për punësim. E sipas tij drejtësia duhet të veprojë sepse paratë ruse kanë ndërhyrë për të diktuar zgjedhjet në Shqipëri.
“Unë e kuptoj që janë me rendësi dhe arkat me peshq që mund të merren për të gatuar pa paguar peshkun në fundjavë dhe edhe arkat me peshk nuk duhen marrë dhe duhen dënuar ata që i marrin, por kjo nuk është më punë peshqish, është punë peshkaqenësh që kanë hyrë në territorin e vendimmarrjes në Shqipëri dhe që kanë hyrë në procesin e zgjedhjeve në Shqipëri duke paraqitur kandidatë dhe kandidate peshkaqenë. Me këtë duhet të merret drejtësia, se s’është çështja, ne mund të themi çfarë të duam, por drejtësia do të merret me këtë punë”, tha Rama.
Ndërkohë gazetari Elvi Fundo shkroi sot se banka që pretendohet se kishte llogari të Kryemadhit në vitin 2017 kishte falimentuar në 2014. a.b
