Një vajzë 10-vjeçare u shpëtua nga rrënojat në provincën Hatay të Turqisë Jugore 147 orë pasi tërmeti shkatërrues i së hënës goditi Turqinë dhe Sirinë.
Videoja e shpërndarë nga bashkia tregonte ekipet e kërkim-shpëtimit duke nxjerrë vajzën e quajtur Cudi nga rrënojat dhe duke e transportuar me barelë.
“Cudi është dashuria jonë. Cudi jonë e dashur”, u dëgjua duke thënë një person në video, së bashku me “Haleluja!”
Një tjetër i mbijetuar ishte një burrë 35-vjeçar i identifikuar si Mustafa Sarigul, u shpëtua nga rrënojat e një pallati gjashtëkatësh në të njëjtën provincë të dielën. Numri i të vdekurve në Turqi dhe Siri ka arritur në të paktën 28,192, me 24,617 vetëm në Turqi. r.b
