Kryesia e PD seleksionon sot kandidatët në primare duke hapur fill më pas procesin e garës brenda PD deri në fillim të dhjetorit ku do të behen edhe votinet.
Zyra e komunikimit të PD shpërndau një foto me dosje në tavolinën e kryesisë së PD ku ndodhen edhe aplikimet e kandidatëve në 61 bashkitë e vendit.
Kreu i PD, Sali Berisha tha se ky proces është transparent përballë shpellës së mafias që zgjedh kandidatët e PS pa ia marrë vesh kush.
“Gjykoj se meritojnë vlerësim, falënderim sikundër, dua të theksoj këtu se primaret kanë ngjallur një interes të madh te qytetarët dhe një vlerësim shumë pozitiv.
Kur kujton këtu këtë proces kaq transparent në çdo hap dhe vendim të tij, dhe kujton procesin tjetër si në shpellën e mafias, se nuk merr kush vesh, se vendos mafia për kandidatët, ne besoj se arritëm të tregojmë, dëshmojmë diferencën që na takonte, të dëshmojmë se jemi dhe do të jemi të përgjegjshëm para qytetarëve shqiptarë, para demokratëve dhe transparent para shoqërisë shqiptare.
Të vendosur të respektojmë vullnetin e lirë të anëtarëve të simpatizantëve të PD-së në primare dhe pastaj me qytetarët. Edhe një herë shumë faleminderit për të gjithë ata që e nderuan, kanë nderuar”, tha Berisha në mbledhjen e kryesisë. a.b
