U zhvillua në Tiranë një ceremoni për të shënuar 104-vjetorin nga fundi i Luftws së Parë Botërore ku u përkujtuan edhe ushtarët e rënë britanikë.
“Dita e Përkujtimit nderon ata që shërbejnë për të mbrojtur liritë tona demokratike dhe mënyrën tone të jetesës. Sot bashkohemi mes besimeve, kulturave, kombësive dhe prejardhjeve për të kujtuar shërbimin dhe sakrificën e komunitetit të Forcave të Armatosura. Nderojmë gjithashtu kontributin e veçantë të familjeve dhe të shërbimeve të urgjencës”, tha ambasadori Ambasadori britanik Alastair King-Smith.
Përkujtimi nuk synon të lartësojë luftën, theksoi ambasadori King-Smith por është një mundësi për të gjithë ne që të përpiqemi dhe të punojmë së bashku për një të ardhme paqësore.
Në këtë ceremoni morën pjesë edhe ambasadori amerikane në Tiranë, Yuri Kim, shefi i shtabit të Ushtrisë Shqiptare, Arben Kingji, deputetë, drejtues të klerit fetar etj. r.p
