Komisioni Qendror i Zgjedhjeve ka bërë publike draftin e propozimeve për ndryshime në Kodin Zgjedhor përmes Komisionerit Ilirjan Celibashi.
Nga KQZ propozohen ndryshime në 3 shtylla kryesore. KQZ rekomandon ndryshime të pjesshme të kuadrit ligjor zgjedhor ku përfshihen dhe rregullat e financimit të fushatës zgjedhore.
Duhet të përcaktohen rregullat për pasqyrimin e fushatës zgjedhore në median në online, në rrjete sociale dhe në median e shkruar.
Sa i përket financimeve që marrin partitë jo nga arka e shtetit sipas ligjit, KQZ kërkon: “Të përcaktohen rregulla për pasqyrimin e fushatës zgjedhore në median në internet, (online), në rrjetet sociale dhe në median e shkruar. Të përcaktohen rregulla në lidhje me financimin dhe fushatën e subjekteve të identifikuara si “palë të treta”.
Gjithashtu KQZ rekomandon që të përcaktohen rregullat në lidhje me financimin dhe fushata e subjekteve zgjedhore të identifikuara si “palë e tretë”.
Për administratën zgjedhore, KQZ rekomandon një zbehje të rolit të partive në përcaktimin e komisionerëve të niveleve të dyta dhe të treta.
Po ashtu Komisioneri Celibashi bën rekomandime në lidhje me përdorimin e aseteve publike në fushatë nga funksionarë publikë.
KQZ i kërkon Kuvendit të rishikojë Kodin edhe ndalimin e përdorimit e aseteve publike gjatë fushatës elektorale, pasi për zgjedhjet lokale nuk ka një dispozitë të veçantë në Kodin Zgjedhor. Me qëllim që procesi zgjedhor të mirë administrohet kërkohet depolitizimi i komisioneve të niveleve të dyta dhe të treta, si dhe të grupeve të numërimit të votave. Për këtë propozohet që ato jenë me përbërje mikse, ku shumicën dhe vendimmarrjen ta kenë anëtarët e propozuar nga KQZ. m.k
