3 vatra zjarri kanë përfshirë kurorën e gjelbër të Tiranës, vetëm pak kilometra larg kryeqytetit. Gjatë pasdites, një zjarr i përmasave të mëdha është përhapur në fshatin Daias, pranë Lundrës.
Pamjet tregojnë për një situatë të rënduar, me flakët që kanë përfshirë sipërfaqe të konsiderueshme me bimësi dhe pemë, ndërsa vatra vijon të jetë aktive.
Në operacionin për shuarjen e zjarrit janë angazhuar forcat zjarrfikëse, ndërsa situata ka paraqitur rrezik edhe për jetën e efektivëve që po luftojnë me flakët. Për ndërhyrjen nga ajri u angazhuan dy helikopterë të Forcës Ajrore, një Cougar dhe një Black Hawk, të cilët e ndërprenë operacionin në orët e mbrëmjes.
Ndërkohë, një tjetër vatër zjarri është evidentuar mbi tunelet e Qafë-Mollës. Në terren janë angazhuar 22 forca, të mbështetura nga dy helikopterët e Forcës Ajrore.
Zjarri tjetër është regjistruar në Priskë të Madhe, ku po operojnë 15 efektivë.m.k
