Bashkimi Europian alarmoi sërish sot në Tiranë më lidhje me amnistinë fiskale që ka planifikuar qeveria.
Në një reagim për gazetarët, pas një takimi në qeveri, BE i konsideron serioze shqetësimin e tyre. Zyrtarë të qeverisë dhe mazhorancës socialiste patën takim me ambasadorët e BE-së, SHBA-së dhe Britanisë ditën e sotme.
”Bashkimi Evropian ka shqetësime serioze për draftin aktual të ligjit për amnisti fiskale. Ne do të vazhdojmë konsultimet me strukturat përkatëse të qeverisë për të rishikuar këtë legjislacion”, thuhet në deklaratën e BE-së.
Një ditë më parë Kryeministri Rama deklaroi se qeveria nuk është tërhequr nga amnistia fiskale. a.b
