Ministri i Drejtësisë Ulsi Manja prezanton nivelin e ri të pagave dhe uniformat e reja ndërsa vizitoi edhe burgun e Fierit.
Ministri i Drejtësisë z.Ulsi Manja ka qenë sot në IEVP Fier, ku ka prezantuar nivelin e ri të pagave për stafin policor të burgjeve.
Në fjalën e tij Ministri i Drejtësisë ka falenderuar qeverinë dhe kryeministrin Rama për vëmendjen dhe kujdesin e treguar jo vetëm ndaj trupës policore, por gjithë strukturës së Drejtorisë së Përgjithshme të Burgjeve.
Më poshtë, ndryshimi i pagave sipas gradave, të cilat prej 1 Shtatorit, janë barazuar me ato të Policisë së Shtetit.
Niveli aspirant nga 40.000 lekë shkon në 53.500 lekë
Niveli nën/inspektor: nga 45.500 lekë shkon në 55.640 lekë
Niveli inspektor: nga 50.000 lekë në 58.000 lekë
Niveli kryeinspektor: nga 55.000 lekë në 64.000 lekë
Niveli nën/komisar: nga 65.500 lekë në 70.085 lekë
Niveli komisar: nga 72.000 lekë në 77.040 lekë
Niveli kryekomisar: nga 95.000 lekë në 101.650 lekë
Niveli Drejtues Burgu: Nga 106.700 lekë në 123.050 lekë
Niveli Drejtor i Përgjithshëm i Policisë: Nga 115.000 lekë në 133.760 lekë. r.k
