Policia e Korçës ka zbuluar dele kontrabandë në një fshat të Devollit.
Delet u morën nga Greqia dhe i vendosi në një ambient afër shtëpisë së tij.
”Specialistët për Hetimin e Krimit Ekonomik-Financiar në DVP Korçë filluan procedimin penal në gjendje të lirë për shtetasin M. D., 35 vjeç, banues në Bilisht, për veprat penale “Kontrabanda me mallra të tjera” dhe “Ruajtja ose depozitimi i mallrave kontrabandë”.
Shërbimet e Policisë gjatë kontrollit të ushtruar në stallën e këtij shtetasi në fshatin Cerje, Devoll, iu gjetën 45 krerë bagëti të imëta, të cilat dyshohet se i ka kontrabanduar ilegalisht nga Greqia, nëpërmjet kufirit të gjelbër”, njofton policia.
Materialet i kaluan Prokurorisë së Rrethit Gjyqësor Korçë, për veprime të mëtejshme.
