Gjykata e Posaçme e Shkallës së Parë për Korrupsionin dhe Krimin e Organizuar ka vendosur të pushojë gjykimin e çështjes së ngritur pas kërkesës së Taulant Ballës ndaj Sali Berishës për “Fyerje” dhe “Shpifje”.
Balla, në cilësinë e viktimës akuzuese, kishte paraqitur më 16 prill 2026 pranë Gjykatës kërkesën për deklarimin fajtor të Sali Berishës për kryerjen e kundërvajtjeve penale të “Fyerjes” dhe “Shpifjes”, të kryera botërisht në dëm të tij, të parashikuara nga nenet 119 dhe 120 të Kodit Penal.
Në përfundim të gjykimit, trupi gjykues i përbërë nga gjyqtari Besmir Stroka, me vendimin nr. 67, datë 21 shtator 2026, vendosi pushimin e gjykimit të çështjes me numër regjistri 111, të regjistruar më 16 prill 2026.
Gjykata vendosi gjithashtu që shpenzimet gjyqësore të jenë në ngarkim të viktimës akuzuese, Taulant Balla. a.b
