PD vijon me pyetje të përditshme për Inceneratorët: Mega-afera e Shekullit, Ministria e Mjedisit firmosi kontratë 30 milionë euro për pronarët në kërkim të Inceneratorit të Fierit, pa VKM dhe pa e botuar në Fletoren Zyrtare, tha deputeti i Partisë Demokratike, Luan Baçi.
5 pyetje:
Sot, si çdo ditë, kemi këto pyetje të thjeshta për SPAK:
1. Pse nuk ka një VKM për 30 milion eurot e inceneratorit të Fierit, apo ka nje te tille dhe mbahet i fshehur?
2. Pse kjo kontratë 30 milion euroshe nuk është botuar fare në Fletoren Zyrtare?
3. Kush kishte tagrin që të injoronte vendimin e Fierit dhe ta ndërtonte krejt tjetërkund nga 10 vendosjet e vlerësuara nga Bashkia e Fierit?
4. Para 3 vitesh KLSh njoftoi se ishin marrë 88% te fondit për inceneratorin e Fierit por nuk ishin investuar as 12%! Ku shkuan ato para?
5. Pse nuk ndërpritet kontrata dhe të dërgohet për ndjekje penale?
Këto janë pyetjet dhe secili i formulon vetë përgjigjet. Por, deveja nuk futet në thes. Thesi nuk bëhet dot llogari në offshore dhe, sado të vonojë koha, një ditë vjedhësit që e varin xhaketën te firma e Edi Ramës dhe sejmenëve të tij do të japin llogari. a.b
