Kryetari i Grupit Parlamentar të Pasërtisë Socialiste Taulant Balla lajmëroi sot se PS është e vendosur të bëjë një ligj përmes të cilit të atakojë drejtuesit kryesorë të opozitës duke i ndaluar ata të kandidojnë në të ardhmen.
Bëhet fjalë për një ligj që lidhet me funksione të ndryshme në kohën e diktaturës, 33 vjet më parë.
Vendimi për të ndërtuar pengesa të tilla pas një kohe kaq të gjatë nga përmbysja e diktaturës bëhet vetëm për arsye politike.
Balla e konsideron të papranueshme sipas tij se si një sekretar partie dhe njeri i afërt me udhëheqjen e diktaturës komuniste, i shpallur non grata nga Shtetet e Bashkuara të Amerikës dhe Britania e Madhe, vazhdon të përdhosë këtë institucion me praninë dhe gjuhën e tij.
Postimi i Taulant Ballës:
Kuvendi i Shqipërisë do të adresojë gjatë sesionit të ri që fillon në Shtator situatën e papranueshme dhe absurde se si një sekretar partie dhe njeri i afërt me udhëheqjen e diktaturës komuniste, i shpallur non grata nga Shtetet e Bashkuara të Amerikës dhe Britania e Madhe, vazhdon të përdhosë këtë institucion me praninë dhe gjuhën e tij.
