55-vjeçari Luan Hushi, i cili u plagos më herët në fshatin Zgërdhesh, Krujë, pas një konflikti për motive të dobëta, ka vdekir.
Hushi është plagosur me armë zjarri nga shtetasi K.Q, i cili është larguar menjëherë pas ngjarjes.
Shërbime të shumta policie kanë shkuar në vendin e ngjarjes për të bërë të mundur kapjen e autorit.
Hushi, mori plagë në bark dhe është transportuar në spitalin e Traumës për mjekim më të specializuar aty ku edhe ndërroi jetë.
Ndërkohë policia ka identifikuar dhe shpallur në kërkim autorin e dyshuar.
Sipas burimeve ngjarja kanë pasur një konflikt për drutë në pyll. Pas debatit Keqit dyshohet se ka qëlluar me armë Hushin.
Policia ka ngritur dhe dronin e po kontrollon zonën e pyllëzuar. r.k
Krujë/Informacion shtesë
Në vijim të informacionit paraprak për një konflikt për motive të dobëta, gjatë të cilit shtetasi L. H. rreth 55 vjeç, u plagos me armë zjarri nga shtetasi K. Q., ju bëjme me dije se si pasojë e dëmtimeve të marra, shtetasi L. H. ka ndërruar jetë, në spital.
Vijin krehja e zonës, me qëllim kapjen e autorit të dyshuar.
