Mediat amerikane i kanë dhënë vend vdekjes së aktorit Florind Belliun, 35-vjeçarin shqiptar i cili së bashku me bashkëshorten e tij, Ornela Shehi ranë nga kati i gjashtë i banesës në New York ndërsa ende nuk dihen arsyet.
“Babai i dy fëmijëve në Bronx, i cili vdiq tragjikisht së bashku me gruan e tij në ditën e lindjes, ishte një aktor dhe regjisor aspirues nga Shqipëria.”, shkruan New York Post.
Florind Belliu dhe bashkëshortja e tij Ornela Shehi, 28 vjeçe, u gjetën në oborrin e pasmë të rrugës Cruger Ave, 2199, rreth orës 9:15 të mëngjesit të së shtunës, thanë burimet policore.
Burime policore thanë se ai mund të ketë qenë së fundmi duke punuar si shofer për të përballuar jetesën.
Pas tragjedisë, të afërmit e çiftit u panë të ulur në trotuar duke qarë, shkruan New York Post. Nëna e shkatërruar e Belliut u pa duke vajtuar nga dhimbjet. Ajo nuk pranoi të komentojë.
Fqinjët i thanë The Post se dyshja ishin një çift i qetë, por Belliu ishte parë i zemëruar të premten.
“I kam parë gjithmonë duke blerë gjëra për shtëpinë, si çdo ditë bashkë, me dy fëmijë së bashku, nuk e kuptuam se kishte diçka që nuk shkonte,” tha Shadie Perkaj, bashkëshortja e rojës të pallatit.
Një punëtor ndërtimi aty pranë dëgjoi rënien e çiftit dhe vrapoi për të parë se çfarë ndodhi, kujton fqinji Frank Mussemeci.
Ai po pinte kafe aty”, tha Mussemeci. “Dhe ata dëgjuan një zhurmë të madhe si një copë çeliku që përplaset në tokë, si ‘bum’.”
Një fëmijë u dëgjua duke bërtitur “Mami! Mami!” sekonda pas zhurmës, tha Mussemeci cituar nga New York Post a.b
