Gjenden dhe sekuestrohen në banesën e marrë me qera në Selitë të Vjetër, nga ish oficeri i RENEA, Remal Rada dhe miku i tij Elton Hithi, 1 armë zjarri pistoletë, municion luftarak, targa shqiptare dhe të huaja, 4 thika, 13 pajisje fiksuese si ato të armëve, shenjestër optike, 15 aparate celulare, 2 radio si ato të Policisë dhe pajisje të tjera që përdoren nga Policia.
Një ditë më patë u sekuestruan në një makinë me të cilën udhëtonin këta dy persona 1 armë zjarri snajper, 1 armë zjarri pistoletë, një karikator arme automatike, 2 krehra pistolete, një sasi municioni luftarak, dy palë dylbi nate terminale dhe një dokument policie.
Rada lëvizte me një automjet luksoz me targa të huaja (angleze) ndërsa kishte 2-3 muaj që ishte larguar nga radhët e policisë. a.b
