Ish-ministri i Shëndetësisë, Ilir Beqaj dha disa PPP shumë të debatueshme kur mbante postin, por edhe pas seancës më të gjatë të hetimit në SPAK, ai nuk ka ndryshuar mendim për vendimet e tij.
Një ditë më parë ai u pyet për 8 orë e 20 minuta brenda ambienteve të SPAK, ku i është përgjgjur pyetjeve të BKH dhe 2 prokurorëve për tenderin e sterilizimit. Shume menduan se Beqaj do të mbetej në ‘prokurori’.
“Ato tre PPP-të e famshme, për mua kanë bërë revolucion në shëndetësinë shqiptare. PPP-ja e sterilizimit ka bërë revolucion në kirurgjinë shqiptare.
Ka standart modern nga Tropoja, në QSUT, në Sarandë dhe falë asaj kontrate çdo njeri rri dy ditë më pak në spital. Minimalisht i kushton shtetit 200 dollarë më pak çdo shtrim në spital”, u shpreh Beqaj në një intervistë për emisionin Shqip.
