Gjashtë persona, mes tyre katër shqiptarë grabitën vilën e brazilianit Ronaldo Nazario në Ibiza, Spanjë ndërsa pushonte atje mesfushori italian të PSG, Marco Verratti të cilit i vodhën bizhuteri dhe ora me vlerë rreth 3 milionë euro si dhe 10 mijë euro cash.
Grabitësit u arrestuan ditën e djeshme në portin e Denias kur zbritën nga trageti me një makinë, me të cilën ishin larguar më parë nga ishulli në të cilën u gjet një kuti me një pjesë të bixhuve.
Katër arrestime janë bërë në Malaga dhe dy të tjerë në Denia dhe nga pesë të arrestuarit, katër janë me kombësi shqiptare dhe një spanjoll, ndërsa një grua ishte me origjinë nga Rumania, shkruajnë mediat spanjolle.
Autorët dyshohet se janë pjesë e një bande shqiptarësh dhe spanjollësh që merren me grabitje vilash luksoze. Rasti në vilën e Ronaldos ka qenë tepër i guximshëm. Hajdutët hynë brenda përmes dritareve të hapura në vilën që ndodhej në Cala Jondal në fshatin Sant Josep de sa Talaia, raportuan mediat spanjolle.
Në momentin e grabitjes po zhvillohej një festë e vogël në katin e poshtëm dhe në zonën e kopshtit. As Marco Verratti me partneren e ftuarit dhe as katër anëtarët e shërbimit të sigurisë së shtëpisë nuk e kuptuan çfarë po ndodhte. Hajdutët grabitën sendet me vlerë dhe u larguan pa lënë gjurmë. r.j
