Mediat italiane publikuan foton e të resë shqiptare, Nevila Pjetri, 35 vjeç, e cila u gjet pa jetë, gjysmë e zhveshur në shtratin e lumit Parmignola në Sarzara.
Dyshimet e para janë që ngjarja të ketë lidhje me botën e prostitucionit. Mendohet që vrasja me një plumb pas koke pasi u dhunua, ka ndodhur diku tjetër dhe më pas trupi i 35-vjeçares u hodh në shtratin e lumit.
Jo shumë larg skenës së krimit u gjet makina e viktimës. Po ashtu, autoritetet janë vënë në kërkim të një makine, në të cilën disa dëshmitarë thonë, se ka hipur gjatë orëve të vona të natës, Nevila Pjetri.
Pjetri kishte dëmtime në fytyrë, gërvishtje në krahë, ishte gjysmë e zhveshur dhe e mbuluar në gjak. Por vrasësi ishte siguruar që të mos linte asgjë gjurmë në vendin e krimit. Deri më tani nuk ka asnjë shenjë që ajo të jetë përpjekur të mbrohej. As rrobat e humbura të saj, çanta e dorës apo dokumentet e viktimës nuk janë gjetur.
Sipas hetimeve, Pjetri ishte martuar me një shqiptar para një viti. Ata nuk kishin fëmijë. Bashkëshorti i saj është kopshtar dhe banonin së bashku në një zonë në Massa. Sipas karabinierëve ai nuk është i dyshuar për këtë ngjarje të rëndë.
Nevila Pjetri jetonte me bashkëshortin e saj, Leonardo Marku (u martuan vitin e kaluar). Ata kishin një qen që e donin shumë dhe një makinë të madhe gjermane. Burri, e mësoi tragjedinë nga policia kur i kanë trokitur në derë mëngjesin e djeshëm, shkruajnë mediat italiane.
“Ajo doli nga shtëpia në orën 20.00 – tha ai – e prita gjithë mbrëmjen, nuk e kuptova pse nuk po kthehej. Më pas mbërritën karabinierët ..E kam dashur shumë”, tregon Marku për momentet e fundit me të shoqen. a.b
