Një tjetër polic ka qëlluar këtë mbrëmje me armë zjarri duke plagosur një 60 vjeçar në Kombinat, vetëm pak çaste para se vritej një polic nga kolegu i tij në komisariatin 3 në Tiranë.
Ai është efektiv i FNSH dhe policia raporton se ishte e dehur ndërsa qëlloi.
Detajet:
Në lidhje me informacionin paraprak të dhënë pak më parë, i cili bën fjalë se në Kombinat është plagosur me armë zjarri në këmbë shtetasi M. L., 60 vjeç, ju sqarojmë se:
Nga shërbimet e Komisariatit të Policisë Nr. 6 është identifikuar dhe shoqëruar në ambientet e komisariatit, autori i kësaj ngjarje, shtetasi L. Gj., efektiv i FNSH-së, i cili gjatë kryerjes së krimit ka qenë në gjendje të dehur.
Grupi hetimor i krijuar nga Agjensia e Mbiikëqyrjes Policore (AMP) nën drejtimin e Prokurorisë së Tiranës, ndodhet në vendngjarje dhe po punon për sqarimin e rrethanave të ngjarjes.
