Mesditën e sotme, në Gjykatën e Rrethit Gjyqësor Korçë, është arratisur një i arrestuar.
Ai ia doli të ikte nga salla ku po zhvillohej seanca gjyqësore. Personi me inicialet K. M., 21 vjeç, është banues në Qatrom, Korçë, (i arrestuar më datë 06.05.2022, për vjedhjen e një banese në fshatin Qatrom).
Nga ana e Policisë janë ngritur pika kontrolli me qëllim kapjen e këtij shtetasi.
Grupi hetimor po punon për sqarimin e rrethanave të ngjarjes. a.b
