Deputeti i PD Gazment Bardhi ka publikuar bisedën që sipas tij ka bërë me ish Kryeministrin Berisha gjatë debatit në “Top Story”. Të dy kanë biseduar në lidhje me ankimimin e vendimit të dhënë për njohjen e kuvendit të 11 dhjetorit.
“Berisha erdhi në zyrën time, biseda ishte e regjistruar. I deklarova se e njoh realitetin e ri ligjor, nuk pengoj askënd të përdorë selinë, por mbështes padinë. E regjistruan se mnd të na akuzonin për pazare. Berisha tha se Gjykata duhet respektuar ndërsa shtoi se njihte të drejtën për të kundërshtuar vendimin e zotit Zhukri. Berisha ndryshoi rrugës, ka një 1 muaj që punon për shkarkimin e Alibeajt. Berisha ndryshe vepron dhe tjetër gjë thotë. Ma thonë kolegë deputetë. Jam dëshmitarë”, tha Bardhi.
Gazment Bardhi dhe Enkelejd Alibeaj kanë ankimuar në gjykatë të Apelit vendimin e gjykatës së Tiranës për kuvendin e 11 dhjetorit që e legjitimon këtë kuvend dhe vendimet e tij.
Ankimimi ka vonuar mbylljen e debateve brenda PD dhe ka krijuar probleme të reja në bazën e PD-së. Disa nga ata që nuk mbështeten foltoren nuk marrin pjesë në zgjedhje duke u ankuar se nuk janë ftuar nga pjesa e lidhur me Foltoren.
Ndërkohë janë konstatuar jo pak raste ku mbështetës të foltores bëjnë zgjedhje jotransaprente në organet e vogla të PD si seksone apo grupseksione. M.k
