Prokuroria e Tiranës pret arrestimin e 22 personave, lidhur me mallrat kontrabandë që tregëtohen në faqe të ndryshme online.
Deri në mesditën e së hënës janë ekzekutuar 15 urdhër-arreste teksa vijon puna për ndalimin e të gjithë personave që dyshohet se janë të përfshirë.
Aksioni i sotëm është vijim i atij “Delivery” ku u sekuestrua 1 milion euro mall.
Dyshimi është se këta shtetas kishin krijuar një skemë për tregtimin dhe transportimin e produkteve që futen dhe dalin nga Shqipëria, duke mos paguar taksat doganore.
Janë sekuestruar një sasi e madhe mallrash të papajisura me faturë doganore.
Veprat penale që rëndojnë ndaj 22 shtetasve janë “Tregtimi dhe transportimi i mallrave që janë kontrabandë”, ”Ruajtja dhe depozitimi i mallrave kontrabandë”, kryer në bashkëpunim “Fshehja e të ardhurave” dhe “Shkelja e të drejtave të pronësisë industriale”. a.b
