Kryeministri Edi Rama ka uruar Vuçiç për fitoren në zgjedhjet presidenciale por nuk e ka njoftuar publikisht urimin.
Ndryshe nga herë të tjera ku Rama marketon komunikimet me krerë shtetesh kësaj here e ka fshehur urimin, me sa duket ti shpëtojë ndonjë furtune tjetër të publikut për lidhjet e tij të posaçme me presidentin serb, një aleat i Putinit edhe në kushtet e izolimit të tij perëndimor.
Media serbe Kurir, shkruan se mes liderëve që e kanë uruar, është dhe kryeministri i Shqipërisë, Edi Rama, Putin, presidentë të rajonit të Ballkanit etj.
Pulikisht, kryeministri Rama nuk ka bërë asnjë reagim lidhur me zgjedhjet në Serbi.
“Urime Presidentit Vuçiç deri më tani i kanë dërguar Presidenti i Republikës Franceze Emanuel Macron, Presidenti i Federatës Ruse Vladimir Putin, Presidenti i Republikës Çeke Miloš Zeman, Presidenti i Republikës së Bullgarisë Rumen Radev dhe presidenti i Republika e Kroacisë Zoran Milanovic. Urimet nga Hungaria u dërguan nga presidenti Katalin Novak dhe kryeministri Viktor Orban, dhe në emër të Republikës së Sllovenisë presidenti Borut Pahor dhe kryeministri Janez Jansha. Presidenti Vuçiç ka pranuar urime edhe nga kancelari i Republikës së Austrisë, Karl Nehamer, nga kryeministri i Republikës së Shqipërisë, Edi Rama, si dhe nga kryeministri i Republikës së Maqedonisë së Veriut, Dimitar Kovaçevski. Urimet në emër të mbretit të Bahreinit u dërguan nga Sheikh Nasser bin Hamad bin Isa al Khalifa. Edhe anëtari serb i Presidencës së Bosnjë-Hercegovinës, Milorad Dodik, ka uruar presidentin Vuçiq për fitoren e tij në zgjedhje” – shkruhet në artikullin e Kurir. m.k
