Avokati Sokol Hazizaj tha sonte në emisionin “Opinion” se Alqi Bllako në pozicionin që kishte, nuk mundej të identifikonte përgjegjës të tjerë, duke lënë të kuptohej se nuk do të dëshmonte apo jepte prova për zyrtarë të tjerë të lartë të qeverisë të përfshirë në skandalin korruptiv të qeverisë me inceneratorët.
Pjesë nga intervista:
Fevziu: A ka shprehur interesin të jetë dëshmitar i mbrojtur apo i penduar?
Hazizaj: I mbrojturi prej meje ka shprehur një dëshirë, të përballet me organet e drejtësisë për të marr pafajësinë.
Fevziu: A sheh ai përgjegjës mbi të? A mendon Alqi Bllako që superior të tij kanë qenë të involvuar në këtë çështje?
Hazizaj: Që nga akuza e vendosur nga organi procedurial i hetimit deri tek gjykata, nuk përputhet me rolin që ka ushtruar Alqi Bllako në detyrë. Në këto kushte Alqi Bllako nuk ka patur mundësi, nuk ka mundësi dhe nuk do ketë mundësi të identifikojë përgjegjës të tjerë për këtë çështje. Do flasë për rolin që ka luajtur ai./Opinion.al
