Ish deputeti Alqi Bllako është arrestuar në banesën e tij këtë paradite dhe më pas është sjellë në drejtorinë e Policisë së Tiranës.
Bllako u prangos në shtëpinë e tij nga dy policë me rroba civile.
Alqi Bllako dorëzoi dje në Kuvend kërkesën për lënien e mandatit, pa qënë nevoja të merret vendim nga Kuvendi.
Bllako u akuzua për korrupsion dhe falsifikim dokumentesh në lidhje me koncesionin e inceneratorit të Fierit.
Dy ditë më parë, SPAK ekzekutoi 9 urdhër arrestet e lëshuara për hetimin që lidhet me inceneratorin e Fierit. Ndërkohë u lëshuan edhe 5 urdhër-arreste të reja për dosjen e inceneratorit të Elbasanit. Nga 9 urdhër arrestet, 7 ishin masa sigurie ‘arrest me burg’ dhe 2 në arrest shtëpie. a.b
