Policia tregohet shumë e rezervuar në lidhje me atentatin e kryer në Papër të Elbasanit këtë pasdite.
Besohet se një nga personat në makinë ka mbetur i plagosur nga atentati.
Me armë është qëlluar ndaj një automjeti tip BMW në lëvizje. Nuk dihet objektivi i atentatit, pasi sipas policisë, personat që ndodheshin në makinë e kanë braktisur tek vendi i njohur si Ura e Zezë.
Burimet tregojnë se në këtë makinë u gjet dhe armë kallashnikov dhe një bidon benzinë. Nisur nga këto fakte, ka dyshime se personat që udhëtonin me të, mund të kishin planifikuar një atentat, por janë pikasur.
Paraprakisht dyshohet të ketë pasur shkëmbim zjarri mes dy personave te shumë kërkuar nga policia e Elbasanit. m.k
