Emiliano Shullazi pritet sot t’i nënshtrohet një ndëryrje kirurgjikale në spitalin Nënë Tereza, nën një vëzhgim të shtuar të forcave speciale.
Mësohet se shoqërimi i të dënuarit do të kryhet në orën 10:00 të së premtes nga ambientet e burgut 41 BiSs drejt spitalit “Nënë Tereza” dhe ku policia do të qëndrojë në gatishmëri numër një.
Rreth dy javë më parë, ai u dërgua me urgjencë drejt një spitali privat në Tiranë ku kreu disa analiza të nevojshme që përcaktonin gjëndjen e tij jo të mirë shëndetësore. Shullazi mësohet se është diagnostikuar me një sëmundje të rëndë, e cila mund t’i rrezikojë edhe jetën, raporton mcn tv.
Me gjithë insistimin e avokatit që ndëryrja kururgjikale ndaj klientit të tij të kryhej në një spital privat, Drejtoria e Burgjeve i ka refuzuar të gjitha opsionet e servirura duke pranuar vetëm varjanin e një operimi të Shullazit, në spitalin publik shtetëror.
