Ndërsa kanë kaluar 2 vite nga tërmeti i 26 Nëntorit që iu mori jetën 51 personave, ende nuk ka asnjë të dënuar nga organet ligjzbatuese.
E vetmja prokurori që ka mbyllur hetimet është ajo e Durrësit, ku dosja është dërguar në Gjykatë, raporton faxnews.
Për ndërtimet në Durrës janë marrë si të pandehur 16 persona, ish-zyrtarë, ndërsa është pushuar çështja për 2 të tjerë. Burime kanë thënë më herët se hetimet janë kryer për 7 ndërtime, shembja e të cilave u mori jetën 23 personave.
Prokuroria e Tiranës, ka përfunduar hetimet vetëm për zonën e Farkës, ndërsa në Lezhë dhe në Krujë vijojnë ende hetimet.
Derimë tani në Krujë e Lezhë, asnjë i akuzuar s’ka përfunduar në gjykatë. Nga tërmeti i 26 Nëntorit humbën jetën 51 persona, dhjetra të tjerë mbetën të lënduar dhe mijëra të pastrehë. a.b
