Fermerët e Myzeqesë kanë mbushur sheshin para bashkisë në Lushnjë në protestë për ndryshimin e paktës fiskale që lidhet me bujqësinë. Sindikata e Fermerëve të Bashkuar ka paralajmëruar këtë protestë e cila nisi në orën 11:00 përpara bashkisë së Lushnjës.
Fermerët, kërkojnë nga qeveria plotësimin e kërkesave të tyre ekonomike, duke filluar nga subvencionimi për njësi prodhimi, lehtësimi e burokracirave, nxitja e eksporteve, dhe barazimi i shkallës së TVSH-së në shitje me atë në blerje.
Kjo është protesta e dytë në radhë e fermerëve të Myzeqesë të cilët vetëm 3 ditë më parë bllokuan aksin nacional Lushnjë-Rrogozhinë, si shprehje e mosdakordësisë së tyre me paketën fiskale për vitin e ardhshëm që pritet të miratohet në Kuvend.
5 kërkesat e fermerëve:
-Subvencionim direkt i fermerit për njësi të prodhimit dhe 10 lekë për kg
-Barazim i TVSH-së në shitje dhe blerje
-Pezullim i TVSH-së për plehrat kimike
-Laboratorë analizash
-Garanci pagese të faturave të shitjes nga grumbulluesit
