Policia italiane ka sekuestruar sot një sasi të madhe kokaine. Ato janë 476 kg kokainë, e cilësisë mjaft e pastër.
Policia ka prangosur një 38-vjeçar shqiptar.
Mësohet se shqiptari ishte me dokumenta të rregullta italiane dhe banonte në provincën e Firenzes.
Lënda narkotike u gjet e fshehur në një kamion, e ndarë në 400 pako. Makina u kap rastësisht në autostradë pasi ra në sy për shkak të një sinjali alarmues që mbante kamioni.
Nëse kjo sasi kokaine do të hidhej në treg, përllogaritet se do të sillte një fitim prej 45 milionë eurosh.
