Pas vendimit të kryedemokratit Lulzim Basha për ta përjashtuar ish-kryeministrin nga grupi parlamentar, për shkak të vendimit të DASH që e ka shpallur ‘non grata’ në SHBA ka pasur deputetë që e kanë mbështetur dhe kundërshtuar.
Deputeti Flamur Noka pas mbledhjes së kryesisë tha se vendimi është gabim i madh:
”Sali Berisha është njeriu më proamerikan i 30 viteve të fundit të demokracisë. Berisha themeloi PD-në u ngrit kundër regjimit mbi vlerat dhe parimet e demokracisë amerikane u themelua PD. Busulla ka një dhe vetëm një e Berishës dhe e PD-së: Orientimi i euroatlantik. Në lidhje me vendimin Berisha po ecën në drejtimin që ka mbajtur. Përjashtimi është mohim i Partisë Demokratike, është të mohosh suksesin e kësaj force. Arsyet pse e ka marrë këtë vendim i di kryetari sepse e ka marrë vetë”- tha ai.
Deputeti i zgjedhur i Elbasanit Dashnor Sula është shprehur pro vendimit të Bashës për përjashtimin e Sali Berishës si dhe Tomor Alizoti, Enkelejd Alibeaj dhe Agron Gjekmarkaj, raporton Balkanweb.
Deputetët Albana Vokshi, Bujar Leskaj, Tritan Shehu, Flamur Noka e Oerd Bylykbashi kanë dalë kundër Bashës.
