U shkarkua sot nga detyra Prokurori i Lushnjes, Arben Dyla për shkak se nuk ka justifikuar pasurinë, thuhet në vendimin e marrë nga Komisioni i Pavarur i Kualifikimit.
Sipas Komisionit prokurori ka dhënë 50 mijë euro me interes 2 për qind, një biznesmeni për një periudhë prej 5 vitesh. Sipas kontratës të lidhur me palëve në vitin 2016, deri në fund të vitit 2021, biznesmenit duhet t’i kthente Dylës shumën prej 110 mijë eurosh.
Si garanci për shlyerjen e shumës, ai kishte lënë një apartament, në të cilin jetonte prokurori, gjë që bëri që të ngriheshin dyshime për një kontratë fiktive. Për burimin e te ardhurave, Dyla deklaroi pagën e tij dhe të bashkëshortes. Dyla është gjetur edhe në zyrën e kryebashkiakut të Lushnjes në momentin që ai u arrestua. a.b
