Kryeministri Edi Rama i ka dhënë fund dilemave në lidhje me mundësinë që Taulant Balla apo Elisa Spiropali të drejtojnë Parlamentin duke ngushtuar konkurencën brenda PS për postin e diskutueshëm të kreut të Kuvendit.
Rama konfirmoi në detyrat e tyre edhe Ballën edhe Spiropalin, kjo e fundit ministrja e parë e konfirmuar, gjatë takimit që Rama kishte me deputetët e rinj dhe të vjetër.
“Taulanti ka punuar me përkushtim edhe në ditë të vështira po ashtu dhe Elisa ka qenë e përkushtuar në punën e saj duke lehtësuar punën e qeverisë për Parlamentin. Që të dy meritojnë një falenderim të veçantë dhe konfirmohen në detyrë dhe për mandatin e tretë. Do ta kenë të plotë mbështetjen tonë”, tha Rama. m.k
