Gramoz Memaj, personi që u vra mbrëmë në Ksamil, ka qenë prej disa vitesh emigrant në Angli. Ai ishte kthyer para dhjetë vitesh dhe jetonte me nënën, ndërsa ishte i pamartuar.
Nëna e biznesmenit, Memaj ka qenë në banesë në momentin kur ka ndodhur ngjarja. Fqinjët kanë deklaruar se në momentin e ngjarjes nuk janë dëgjuar të shtëna por vetëm ulërimat e nënës. Memaj ishte nga Tepelena dhe njihej si biznesmen në zonën e Ksamilit. Ai jetonte vetëm me të ëmën dhe nuk ishte i martuar. Në Sarandë e Ksmail njihej si person i qetë dhe pa probleme. Ai ishte pronar i një lokali dhe shtëpinë e tij e jepte me qira gjatë sezonit turistik.
Po ashtu bëhet me dije që viktima ka pasur edhe një shtëpi në Tiranë. Trupi i pajetë i të ndjerit ndodhet në morgun e Sarandës. a.b
