Një i ri 20 vjeç humbi jetën këtë mbrëmje në Tiranë. Ngjarja ndodhi në Unazën e Re kur i riu po punonte në një lavazh dhe ra në kontakt me energjinë elektrike.
Tiranë/ Informacion paraprak.
Rreth orës 20:25, në Unazë të Re, shtetasi A.M., rreth 20 vjeç, duke punuar në lavazhin e vëllait të tij, dyshohet se ka rënë në kontakt me rrymën elektrike dhe për pasojë ka ndërruar jetë në spital.
Grupi hetimor ndodhet në vendngjarje dhe po punon për përcaktimin e rrethanave të ngjarjes.
