Tjetër krim me vrasje në qytetin e Elbasanit.
Një person është gjetur i pajetë ditën e sotme rreth orës 5.00 në Elbasan në lagjen Visarion Xhuvani, pranë universitetit ‘Aleksandër Xhuvanit’.
Burri i moshës rreth 70 vjeç ka 7 plagë të rënda në kokë, duke ngritur dyshimet se ai mund të jetë vrarë me mjete të forta.
Viktima është gjetur pa këpucë, çka ngre më shumë dyshimet se ngjarja ka ndodhur në një vend tjetër.
Identifikimi i viktimës nuk është bërë i ditur pasi shtetasi nuk kishte mjet identifikimi me vete. Trupi i pajetë është dërguar në morg ku do të kryhen të gjitha ekspertizat për të zbardhur ngjarjen e plotë.a.b
Elbasan/ Informacion paraprak
Në lagjen “Vullnetari”, Elbasan, shërbimet e policisë kanë konstatuar në anë të rrugës pa shenja jete një shtetas të seksit mashkull rreth moshës 70-80 vjeç.
Grupi hetimor nën drejtimin e Prokurorisë së Rrethit vijon punën për zbardhjen e rrethanave të ngjarjes, identifikimin e personit të pajetë dhe shkakun e humbjes së jetës.
