Para anëtarëve të Këshillit Kombetar, Lulzim Basha parashtroi dy alternativa, ose zgjedhjet kanë qenë të vjedhura dhe beteja vazhdon, ose të konsiderohen të rregullta dhe ai është i gatshëm të japë dorëheqjen.
“Zgjidhni dhe dua t’ju shoh të gjithëve në sy. Ose zgjedhjet janë të vjedhura dhe vazhdojmë në betejë, ose nëse për ju janë në rregull, atëherë unë jap dorëheqjen tani”, ka deklaruar Basha para anëtarëve.
Ndërsa Arben Ristani ka vënë në dukje faktin që edhe për 4 vite Partia Demokratike do të jetë në opozitë.
“Mund ta duartrokasim sa të duam kryetarin apo atë që mbështet kryetarin, por dhe 4 vjet të tjera jemi në opozitë. Duhet të kemi shpresë të fitojmë pas 4 vjetëve dhe jo të vijmë prapë këtu si sot. Nga Rama nuk presim asgjë tjetër. Rama i tillë mbetet. Kryetari ka thënë se “po ma hodhe njëherë është faji jot, po ma hodhe dy është faji im. Tani meqë ta hodhi dy herë, ik. Ke humbur tre herë Dhe një herë që fitove e dimë të gjithë si fitove”, u shpreh Ristani.
“Më duket i nxituar dhe i shpejtë ky proces. Më duket si projektuar për të mbaruar punë shpejtë e shpejtë. Me këtë mënyrë drejtimi do humbasim prapë. PD duhet të bëhet demokratike. Rama nuk mundet me të njëjtin model Mundet vetëm me modelin e demokratit, duke i nxjerrë njerëzit në zgjedhje dhe duke i frymëzuar ata“, tha ai. a.b
