Sipas Fevziut, nëse Lulzim Basha nuk largohet me vullnetin e tij, askush në atë parti nuk e mund dot.
As Sali Berisha nuk e mund dot.
Gazetari Blendi Fevziu tha sot gjatë një interviste në mcn tv se nuk pret që Lulzim Basha të dorëhiqet, pavarësisht humbjes së zgjedhjeve.
Sipas tij, largimi i Bashës nuk mund të vijë as përmes zgjedhjeve në parti, kjo sepse përvoja ka treguar se gjithmonë garën e fiton lideri.
“I shoh njerëzit që dorëheqjen e konceptojnë si një lloj vrasjeje. Nëse më pyet a jep dorëheqjen Basha, unë mendoj se jo. Kryetarin nuk e mund kush në parti. E mbani mend garën Rama-Maqo Lakrori?
Lidhur me faktin se PD mund të mos e njohë rezultatin e zgjedhjeve, Fevziu thotë se nëse janë të vërtetë, e ngarkojnë Lulzim Bashën me barrën e provës. Në studion e emisionit “Të Paekspozuarit”, Fevziu tha se zbardhja e manipulimit të votës, nëse ka ndodhur, do të ishte një kontribut i madh për vendin.
Nëse PD dëshmon që ka vjedhje, ky do të ishte kontribut i jashtëzakonshëm për vendin. Nëse kjo është e vërtetë, shpresoj që Basha të hyjë në një betejë për të zbardhur manipulimin e votës dhe jo për të shmangur debatin brenda PD. E ka bërë edhe Rama më parë një lëvizje të tillë.
Personalizimi i fushatës nga Lulzim Basha dhe nisja me vonesë e saj kanë qenë dy nga gabimet që kanë bërë PD në fushatë sipas gazetarit Blendi Fevziu.
Ka shumë njerëz që mendojnë e është e vështirë ta mundësh Ramën me vota. Basha zgjodhi rrugën që zgjodhi duke dorëzuar të gjitha gjërat dhe u kthyen sërish në sistem. Ai ka marrë një goditje fatale para fushatës. Gabimet e fushatës mund ti rendis. Nuk besoj që fushata ka një ndikim shumë të madh. Unë kam qenë një nga personat që kam thënë publikisht që dalja me një listë do ti kishte nxjerrë në favor. Berati do të ishte 4 me 3 nëse do të ishin në një listë. Ishte i sigurt Durrësi që do të shkonte 7 me 7. Në fushatë u bë një gabim tjetër, nisi me shumë vonesë. Blendi Klosi drejton Beratin prej 8 vitesh dhe çdo fundjavë atje dhe Tomorr Alizoti u caktua 8 javë për para. E dyta ishte personalizimi i fushatës nga ana e Bashës, shmangu Berishën, shmangu Kryemadhin etj. Ky ishte një bast i Bashës që ta luante lojën të gjithën vetë. Ishte gabim sepse ai ishte nën përqindjen e PD-së. Basha nuk mund të merrte vota duke e personalizuar lojën. Ai duhej të dilte me 10 veta përballë një individi. Berisha sot figuron më popullor se Basha dhe nuk duhej të ishte shmangur në fushatë sepse mund ti siguronte vota. Organizimi i PD rezultoi shumë më i dobët se i PS. Basha në fushatë ishte fake, duke e bërë këtë vetëm për imazh. Kjo është fushatë e viteve 2000, ngritja e makinave ndërkohë që nuk ke bazën ishte gabim”, tha Fevziu. e.k
