Gjykata e Elbasanit ka lënë të lirë nga qelia 10 perosna që u arrestuan për ngjarjen e Elbasani ndërkohë qe mbajti në burg ish policin e RENEA, Arbër Paplekaj.
Po ashtu Gjykata ka dhënë masën e sigurisë me detyrim paraqitje për Eldjo Bekon, i cili akuzohej për moskallëzim krimi, ndërsa vijon të mbetet në kërkim për ngjarjen shtetasi Kelmend Xhaferri.
10 anëtarët e Strukturës së Mbrojtjes së Votës, pranë PD që janë lënë të lirë janë: Arjan Hoxha, Pavlo Vuksani, Emiljan Prenga, Juljan Mataj, Erald Guga, Erjon Demushi, Taulant Ymeri, Roland Xhepa, Nuredin Kasma, të dyshuar për kryerjen e veprës penale “Heqja e paligjshme e lirisë së personit e kryer me dhunë”në bashkëpunim.
Nl makinën e Klemend Xhaferrit është gjetur një listë me emra dhe disa karta ID. Po ashtu në makinën e e Mehmet Grecës janë gjetur një sasi e madhe parash, ndërkohë që mjeti i tij ishte pa targa.
Sipas prokurorisë dy prej të arrestuarve Emiljano Prenga dhe Nuredim Kasmar rezultojnë të dënuar më parë, ndërkohë që Prokuroria nuk ka sqaruar ende se kush qëlloi i pari në përplasjen ku mbeti një i vrarë dhe 4 u plagosën.
