Policia e Vlorës arrestoi sot juristin e Agjencisë Shtetërore të Kadastrës, nën akuzën e falsifikimit të dokumentave.
Në pranga ka përfunduar shtetasi H. Sh., 56 vjeç, banues në Vlorë, për të cilin gjykata ka vendosur masën e sigurisë “Arrest me burg”.
“Specialistet për Hetimin e Krimit Ekonomik dhe Financiar në Drejtorinë Vendore të Policisë Vlorë, në vijim të punës për parandalimin, evidentimin dhe goditjen e veprimtarisë kriminale në fushën e falsifikimit të dokumenteve, në bashkëpunim me Prokurorinë e Vlorës, ndaluan shtetasin.
H. Sh., 56 vjeç, banues në Vlorë, me detyrë jurist pranë Agjencisë Shtetërore të Kadastrës, Vlorë.
Për këtë shtetas, Gjykata e Shkallës së Parë Vlorë ka caktuar masën e sigurisë “Arrest në burg”, për veprën penale “Falsifikimi i dokumenteve”, njofton policia e Vlores.
Hetimet për këtë person janë kryer nga Seksioni i Krimit Ekonomik në DVP Vlorë dhe Prokuroria e Vlorës, për një periudhe 1-vjeçare, pasi shtetasi H. Sh. ka falsifikuar dokumentet për një banesë në qytetin e Vlorës. /DRONI.al/
