Mjeku Eduart Dhamo ka ndërruar jetë ditën e sotme si pasojë e infektimit me COVID-19. 57-vjeçari ishte një mjek i njohur në qytetin e Lushnjës, ku i shërbeu me profesionalizëm e përkushtim për vite me radhë banorëve të zonës.
Lajmi u bë ditur edhe nga Njësia vendore e Kujdesit shëndetësor Lushnje.
Postimi i NJKSHV së Lushnjës:
“Dr. Eduart Dhamo ishte mjeku që me profesionalizëm e përkushtim i shërbeu komunitetit të banorëve të Fiersheganit për vite e vite me rradhë, si mjek i devotshëm.
Të trishtuar nga kjo humbje e madhe për të gjithë ne. Do na mungojë shumë energjia e pashtershme dhe shpirti i sakrificës të një mjeku model, qytetari të mirë dhe të zotë ne profesionin e tij. U prehsh në paqe dr. Edi”
e.h/DRONI.al/
