Ish-deputeti i Partisë Socialiste, Kastriot Islami u shoqërua ditën e sotme në komisariatin nr. 2 në Tiranë. Islami u pikas nga efektivët e policisë pa maskë te zona e liqenit artificial.
Policia ka thënë më herët se personat që kapen pa maskë dhe nuk pranojnë të japin kartën e identitetit për të vendosur gjobën do të shoqërohen në komisariat dhe duket se e njëjta procedurë ka ndodhur edhe me Islamin. Pasi u shoqërua dhe iu morën të dhënat ish-deputeti u la i lirë.
Prej disa javësh maska në Shqipëri është vendosur me detyrim për të parandaluar përhapjen e koronavirusit, ndërsa së fundmi është ndaluar lëvizja pas orës 22:00 deri në 06:00.
e.h/DRONI.al/
