Një argjendari është grabitur pasditen e kësaj të mërkure në zonën e Paskuqanit, në Kamëz, nga dy persona ende të paidentifikuar.
Sipas njoftimit paraprak të Policisë, ngjarja ka ndodhur rreth orës 14:50, kur dy autorët kanë hyrë në argjendarinë në pronësi të shtetasit me iniciale L. L.. Nën kërcënimin e një sendi në dukje armë zjarri, ata kanë kanosur punonjëset dhe kanë marrë një sasi bizhuterish, për t’u larguar më pas nga vendi i ngjarjes.
Menjëherë pas njoftimit, shërbimet e Policisë kanë mbërritur në vendngjarje, kanë ngritur pika kontrolli dhe kanë nisur kontrolle në zonë për identifikimin dhe kapjen e autorëve.
Ndërkohë, grupi hetimor po punon për administrimin e provave, me qëllim zbardhjen e plotë të rrethanave të grabitjes dhe dokumentimin ligjor të ngjarjes. a.b
